لاہور : ہیلمٹ کے بغیر پیٹرول نہ دینے کا حکم

ڈپٹی کمشنر لاہور نے ہیلمٹ نہ پہننے والے موٹر سائیکل سواروں کو پیٹرول دینے پر پابندی عائد کردی۔

ویب ڈیسک :99نیوز ایچ ڈی :
تفصیلات کے مطابق ڈپٹی کمشنر لاہور کی جانب سے جاری احکامات کے بعد ضلعی حکومت نے نوٹیفکیشن بھی جاری کردیا جس میں کہا گیا ہےکہ ڈی سی لاہور رافعہ حیدر کا کہنا ہے کہ پابندی پر عمل درآمد یقینی بنایا جائےگا۔ڈی سی لاہور نے کہا کہ موٹرسائیکل پر ہیلمٹ استعمال نہ کرنے سے حادثات میں قیمتی جانیں ضائع ہوتی ہیں، انسانی جانوں کا تحفظ یقینی بنانے کےلیے یہ پابندی لگائی گئی ہے، اس پابندی پر عملدرآمد یقینی بنانے کےلیے بھرپور ایکشن لیا جائے گا۔رافعہ حیدر نے موٹرسائیکل سواروں سے اپیل بھی کی کہ ہیلمٹ کا استعمال لازمی کریں۔دنیا بھر میں موٹر سائیکل حادثات میں جانی نقصان کی وجہ ہیلمٹ کا نہ استعمال کرنا بھی ہے، ہیلمٹ کے استعمال کا مقصد موٹر سائیکل سوارکو حادثے کے وقت سر اور دماغ کی چوٹوں سے محفوظ رکھنا ہے۔