لیہ اراضی اسکینڈل : عمران خان کل اینٹی کرپشن میں طلب

لاہور : اینٹی کرپشن نے لیہ اراضی اسکینڈل میں چیئرمین پی ٹی آئی کو طلب کرلیا۔

ویب ڈیسک :99نیوز ایچ ڈی :
ترجمان اینٹی کرپشن کے مطابق لیہ اراضی اسکینڈل میں چیئرمین پی ٹی آئی کی بہن اور بہنوئی کو بھی کل (5 جولائی) کو طلب کیا گیا ہے۔ترجمان کے مطابق طلبی کا نوٹس چیئرمین پی ٹی آئی کی رہائش گاہ پر چسپاں کر دیا گیا ہے۔ چیئرمین پی ٹی آئی کے اراضی اسکینڈل میں ملوث ہونے کے شواہد موجود ہیں، عدم پیروی یا غیرحاضری پر چیئرمین پی ٹی آئی کےخلاف کارروائی ہوگی۔اس سے قبل پی ٹی آئی کے چیئرمین کی بہن ڈاکٹر عظمیٰ اورشوہر احد مجید عدالتی حکم پر انکوائری کمیٹی کے سامنے پیش ہوئے تھے۔اینٹی کرپشن ٹیم نے سوالنامہ ڈاکٹر عظمیٰ اور ان کے شوہر کے حوالے کیا تھا جس پر ملزمان کی جانب سے جواب دینے کےلیےمہلت مانگی گئی تھی اور ملزمان کی درخواست پر ان کو 5 جولائی تک وقت دیا گیا تھا۔