پیرس : پاکستانی بزنس مین ابراہیم ڈار کے چار فاسٹ فوڈ ریستوران لوٹنے کے بعد جلا دئیے گئے

سترہ سالہ ناہیل کے پولیس کے ہاتھوں قتل کے بعد فرانس بھر میں فسادات پھوٹ پڑے ہیں۔ پیرس کے گرد و نواح کے چھوٹے شہروں میں پرتشدد مظاہرے ہوئے ہیں۔

ویب ڈیسک :99نیوز ایچ ڈی :
تفصیلات کے مطابق سرکاری و نجی املاک و کاروباروں کو جلایا گیا ہے ، متاثرین میں پاکستانی بھی شامل ہیں۔ فرانس کی معروف کاروباری شخصیت اور پاکستان فرانس بزنس فورم کے سرپرست اعلیٰ ابراہیم ڈار فرانس میں جن کے معروف برانڈ چکن سپاٹ کے نام سے بیسیوں ریستوران ہیں ، مظاہرین نے مختلف شہروں میں ان کے چار ریستوران لُوٹنے کے ان ریستورانوں کو آگ لگادی ، جس سے ابراہیم ڈار کا لاکھوں یورو کا نُقصان ہوگیا۔ پاکستانی کمیونٹی نے سخت الفاظ میں اس کی مذمت کی ہے اور ابراہیم ڈار کے ساتھ مکمل یکجہتی کا اظہار کیاہے۔سرپرست اعلی پاکستان بزنس فورم فرانس ابراہیم ڈار نے ایک ویڈیو پیغام میں پاکستانی کمیونٹی کا شکریہ اداکیا اور کہا کہ فرانس بھی ہمارا ملک ہے اور قانون کو اپنا کام کرنے دیں۔