پرویز الہیٰ کی گرفتاری ، پولیس ان کی رہائشگاہ پہنچ گئی

لاہور: پاکستان تحریک انصاف (پی ٹی آئی) کے صدر اور سابق وزیراعلیٰ پنجاب چوہدری پرویز الہیٰ کی گرفتاری کے لیے پولیس گلبرگ میں ان کی رہائشگاہ پہنچ گئی۔

ویب ڈیسک :99نیوز ایچ ڈی :
اینٹی کرپشن کورٹ نے آج پرویز الہیٰ کی عبوری ضمانت خارج کردی تھی۔عبوری ضمانت خارج ہونے کے بعد پولیس کی بھاری نفری پرویز الہیٰ کی گلبرگ میں واقع ان کی رہائش گاہ پہنچ گئی ہے۔ پولیس کے ہمراہ اینٹی کرپشن کی ٹیم بھی موجود ہے۔پرویز الہیٰ کےگھر کے اطراف ظہور الہیٰ روڈ ٹریفک کے لیے بند ہے،ظہور الہیٰ روڈ سے ملحقہ گلیاں بھی بندکردی گئی ہیں۔
چوہدری پرویزالہیٰ کے ترجمان اقبال چوہدری کا کہنا ہےکہ چوہدری پرویز الہیٰ گھر پر موجود نہیں ہیں، اس وقت گھر میں صرف چوہدری پرویز الہیٰ کی فیملی ہے، پولیس سرچ وارنٹ دکھائے تو گھرکی تلاشی لینے دیں گے۔وکیل پرویز الہیٰ کا کہنا تھا کہ 2 مئی تک جتنے مقدمات ہوئے ان میں پرویز الہیٰ کی ضمانت کے آڈر موجود ہیں۔دوسری جانب اینٹی کرپشن حکام کا کہنا ہےکہ موبائل لوکیشن کے مطابق پرویز الہیٰ گھر میں ہی موجود ہیں۔پولیس اور اینٹی کرپشن کے اہلکار پرویز الہیٰ کے گھر داخل ہوگئے ، ان کا کہنا تھا کہ متعلقہ فرد کو سرچ وارنٹ دکھائیں گے، ایس ایس پی صہیب اشرف اور ایس پی عمارہ شیرازی سمیت ڈائریکٹر اینٹی کرپشن عمران احمر بھی اہلکاروں کے ساتھ ہیں۔سابق وزیراعلیٰ پنجاب پرویز الہیٰ کے خلاف ترقیاتی منصوبوں میں مبینہ کرپشن کا کیس ہے۔