بھارت پاکستانی ٹیم کا سامنا کرنے سے گھبرانے لگا، شکست کے ڈر سے ہائبرڈ ماڈل پر بھی کھیلنے سے انکار کر دیا

بھارتی کرکٹ بورڈ نے پی سی بی کےہائبرڈ ماڈل کو ماننے والی خبروں کی تردید کردی۔

ویب ڈیسک :99نیوز ایچ ڈی : بھارتی میڈیا کے مطابق بی سی سی آئی ہائبرڈ ماڈل پر کھیلنے کےلیے رضامند نہیں ہوئی، بی سی سی آئی ایشیا کپ کو کسی ایک نیوٹرل مقام پر شفٹ کرنا چاہتی ہے۔ بھارتی کرکٹ بورڈ چاہتا ہےکہ ایشیا کپ کو سری لنکا منتقل کیاجائے، اور فی الحال بھارتی کرکٹ بورڈ نے پی سی بی کےہائبرڈ ماڈل پرکھیلنے سے انکار کردیا ہے۔صدر ایشین کرکٹ کونسل (اے سی سی) جے شاہ کا کہنا ہے کہ ایشیا کپ کےمستقبل کےلائحہ عمل کی تیارکےلیے ممبران کےساتھ بات چیت کریں گے۔اس سے قبل خبر سامنے آئی تھی کہ ایشیاکپ کرکٹ ٹورنامنٹ میں شرکت کے لیے بھارتی کرکٹ بورڈ نے پاکستان کے ہائبرڈ ماڈل کی تجویز مان لی۔بھارتی کرکٹ بورڈ نے پاکستان کے ہائبرڈ ماڈل کے تحت ایشیاکپ کھیلنے پر رضامندی ظاہر کردی ہے۔ بھارتی کرکٹ بورڈ کے سیکرٹری جے شاہ نے پی سی بی کی تجویز مان لی ہے، ہائبرڈ ماڈل کے تحت ایشیا کپ کے 4 میچز پاکستان میں اور بقیہ نیوٹرل وینیوز پر ہوں گے۔